Raza Musani 
بغداد : عراق صدر پارٹی کے رہنما مقتدیٰ الصدر کے حامیوں نے ملک کے اعلیٰ ترین عدالتی ادارے کے باہر دھرنا شروع کر دیا ہے، ایک ہفتے قبل انہوں نے بغداد کے مضبوط قلعے والے "گرین زون” کی خلاف ورزی کی اور مقننہ پر قبضہ کر لیاتھا. منگل کو دارالحکومت بغداد میں مقتدیٰ الصدر کے کئی سو حامی سپریم جوڈیشل کونسل کے سامنے جمع ہوئے، انہوں نے عراقی پارلیمنٹ کی تحلیل اور قبل از وقت انتخابات کے انعقاد کے مطالبات کا اعادہ کیا۔صدر تحریک کی طرف سے جاری کردہ تصاویر میں دکھایا گیا ہے کہ لوگ SJC کے ہیڈکوارٹر کے گیٹ کے باہر خیمے لگا رہے ہیں، جب کہ انہوں نے عدلیہ کو غیر سیاسی کرنے اور بدعنوانی کے خاتمے کا مطالبہ کرنے والے پلے کارڈ اٹھا رکھے تھے.تازہ ترین پیش رفت اس وقت سامنے آئی ہے جب اعلیٰ عدالتی ادارے نے کہا ہے کہ اس کے پاس ملک کی پارلیمنٹ کو تحلیل کرنے کے لیے کافی اختیار نہیں ہے، اور تمام جماعتوں پر زور دیا ہے کہ وہ عدلیہ کو سیاسی دشمنیوں میں ملوث کرنے سے گریز کریں.
