Raza Musani 
اسپین کی حکومت نے اسرائیل کو ہر طرح کے اسلحے کی ترسیل پر پابندی کی منظوری دے دی ہے۔ وزیرِ معیشت کارلوس کوئربو نے کہا کہ یہ فیصلہ حکومت کے انسانی حقوق کے احترام اور بین الاقوامی قیادت کا مظہر ہے۔ یہ پابندی ان تمام برآمدات کو روکتی ہے جو اسرائیل کے دفاع سے متعلق مواد، آلات اور ہتھیاروں پر مبنی ہوگی۔
اسرائیلی طیاروں کو ایندھن لینے کی سہولت پر بھی پابندی عائد ہوگی۔ انہوں نے کہا کہ مقبوضہ مغربی کنارے کی یہودی بستیوں میں تیار کی جانے والی مصنوعات کی درآمد پر بھی پابندی ہو گی۔ اسپین کے وزیرِ اعظم پیڈرو سانچیز نے غزہ میں فلسطینیوں کے قتل عام پر اسرائیل پر شدید تنقید کی ہے۔
