Raza Musani 
اسکردو: امام زمانہ علیہ السلام کی شان میں گستاخی کیخلاف اسکردو میں ہزاروں افراد نے احتجاجی مظاہرہ کیا اور تکفیری مولوی قاضی نثار کیخلاف مقدمہ درج کرکے گرفتار کرنے کے حق میں نعرے لگائے۔ امام جمعہ اسکردو علامہ شیخ محمد حسن جعفری کی کال پر کئے گئے احتجاج میں علماء کرام کی بڑی تعداد بھی موجود تھی اور شرکاء سے خطاب کیا۔ اس موقع پر خطاب کرتے ہوئے آغا علی رضا رضوی نے کہا کہ توہین امام زمانہ علیہ السلام جیسے واقعات منصوبہ بندی کے ساتھ کئے جارہے ہیں یہ کام گلگت بلتستان کی حکومت تکفیریوں کے حوالےکرنے کے ساتھ ہی شروع ہوگیا تھا۔ انہوں نے کہا کہ ہم اپنے عقیدے کا اظہار کرتے رہے ہیں۔ سازشوں سے ہم اپنے عقیدے سے پیچھے ہٹے ہیں نہ ہی ہٹیں گے۔ منصوبہ بندی کے ساتھ آغا باقر الحسینی کو نشانہ بنایا گیا ہے۔ انہوں نے کہا کہ نادیدہ قوتوں کو خوف ہے کہ اگر آغا اٹھے تو ان کے ساتھ قوم بھی اٹھے گی اور پھر اسے سنبھالنا مشکل ہوجائے گا۔ یہاں کے پہاڑوں اور پانی کی حفاظت ہم خود کریں گے۔ انہوں نے کہا کہ آغا باقر الحسینی نے لڑاؤ اور حکومت کرو کی سازش ناکم بنادی۔ انہوں نے کہا کہ اگر آغا باقر پر ہاتھ ڈالنے کی کوشش کی گئی تو حالات قابو میں نہیں رہیں گے۔
