سعودی اسرائیل تعلقات، کسی فریم ورک پر اتفاق نہ ہوسکا، امریکا

واشنگٹن: اسرائیل سعودی تعلقات معمول پر لانے کے معاہدے کے لیے ابھی تک کسی فریم ورک پر اتفاق نہ ہوسکا۔ وائٹ ہاؤس کے ترجمان جان کربی نے کہا ہے کہ سعودی عرب اور اسرائیل کے درمیان کسی ممکنہ معاہدے پر پہنچنے سے پہلے مزید بات چیت کی ضرورت ہے۔ دونوں ممالک مذاکرات کے لیے مشترکہ فریم ورک پر متفق نہیں ہوئے ہیں۔ معاہدے میں سعودی عرب کیلئے امریکی سکیورٹی کی ضمانت بھی شامل ہو سکتی ہے۔ جان کربی نے کہا کہ ابھی بھی بہت سی بات چیت باقی ہے۔ محکمہ خارجہ کے ترجمان میتھیو ملر نے کہاکہ ممکنہ معاہدے پر نتیجہ خیز بات چیت ہوئی ہے اور توقع ہے کہ آنے والے ہفتوں میں مزید مذاکرات ہوں گے۔ ہم نے کئی معاملات پر پیش رفت کی ہے۔