سعودی عرب: شاہی حکومت پر تنقید کے جرم میں خاتون کو 34 سال قید کی سزا

ریاض : سعودی عرب میں شاہی حکومت پر تنقید کی حمایت کے جرم میں خاتون کو 34 سال قید کی سزا سنادی گئی۔ 34 سالہ دو بچوں کی ماں سلمیٰ الشہاب پر ٹویٹر اکاؤنٹ رکھنے، مملکت کے ناقدین کو فالو کرنے اور ری ٹویٹ کرنے کے جرم میں سزا سنائی گئی،یہ سعودی عرب میں خواتین کے حقوق کے محافظ کو دی گئی اب تک کی طویل ترین سزا ہے۔ 34 سالہ سلمیٰ الشہاب، جنہیں جنوری 2021 میں اس وقت حراست میں لیا گیا تھا جب وہ چھٹیاں گزارنے گھر جا رہی تھیں۔ اسے ابتدائی طور پر امن عامہ بگاڑنے اور ریاست کی سلامتی اور استحکام کو غیر مستحکم کرنے کیلئے سوشل میڈیا کا استعمال کرنے پر چھ سال قید کی سزا سنائی گئی تھی۔ تاہم اپیل کورٹ نے سزا کو بڑھاکر 34 سال کردیا۔