مزاحمت نے گریٹر اسرائیل کے منصوبے کے تابوت میں آخری کیل ٹھونک دی، حسن نصر اللہ

بیروت : حزب اللہ کےسربراہ سید حسن نصراللہ کا کہنا ہے کہ مزاحمت نے عظیم اسرائیل کے منصوبے کے تابوت میں آخری کیل ٹھونک دی صور اور النبطیہ میں انتخاباتی سیمینار سے خطاب میں حسن نصراللہ نے کہا کہ بعض سیاسی گروہ مزاحمت کو غیر مسلح کرنے کے علاوہ کسی اور چیز کو اہمیت نہیں دیتے۔ الیکشن میں مزاحمت ملک کے معاشی بحران کو حل کرنے کی کوشش کر رہی ہے۔ سید حسن نصر اللہ نے کہا کہ بدقسمتی سے کچھ سیاسی گروہوں نے اس مسئلے کو کم ترین ترجیحات سے بھی ہٹا کر دیکھتے ہیں۔ ان گروہوں نے کچھ ماہ پہلے کی مزاحمت کے ہتھیار کو اپنی انتخاباتی جنگ کے طور پر پیش کیا ہے۔وہ لوگ جو مزاحمت کو غیر مسلح کرنا چاہتے ہیں اور حزب اللہ سے چھٹکارا حاصل کرنا چاہتے ہیں وہ فلسطین میں غاصب عبوری صیہونی حکومت کے اس وقت کے جنوب کے مسائل سے آگاہ نہیں ہیں۔انہوں نے تاکید کی کہ انہیں ایام میں صیہونی حکومت کی تشکیل ہوئی تھی اور چند مہینوں کے بعد ہی "حولا” گاؤں میں قتل عام ہوا اور متعدد جنوبی دیہات غیر آباد ہو گئے لیکن کچھ سیاست دان اب بھی اسرائیل کو دشمن نہیں مانتے اور یہ قبول نہیں کرتے کہ وہ لبنانی پانی اور گیس پر نظر گاڑھے ہوئے ہے۔