Raza Musani 
تہران : ایران نے واضح کیا ہے کہ یورینئم افزودگی میں کمی یا اسے سست کرنے کی خبریں درست نہیں ہیں۔ ایرانی جوہری توانائی سربراہ محمد اسلامی کا کہنا تھا کہ ہماری یورینئم افزودگی اسٹریٹیجک قوانین کے مطابق معمول پر چل رہی ہے۔ یورینئم افزودگی ملکی قوانین کے مطابق 60 فیصد تک جاری ہے۔ انہوں نے متعلقہ قانون سازی کا حوالہ دیتے ہوئے مزید کہا کہ ہماری جوہری افزودگی اسٹریٹجک فریم ورک قانون کی بنیاد پر جاری ہے۔ اس سے پہلے امریکی اخبار نے دعویٰ کیا تھاکہ ایران نے ہتھیاروں کے درجے کے قریب افزودہ یورینیم کی رفتار کو نمایاں طور پر سست کر دیا ہے اور اپنے کچھ ذخیرے کو کم کر دیا ہے۔ یہ اقدامات امریکا کے ساتھ کشیدگی کو کم کرنے اور اس کی جوہری سرگرمیوں کے بارے میں وسیع تر بات چیت کو بحال کرنے میں مدد کر سکتے ہیں.
