Raza Musani 
رام اللہ : فلسطینی صدر محمود عباس نے کہا ہے کہ وہ نومنتخب امریکی صدر ڈونلڈ ٹرمپ کے ساتھ دو ریاستی حل پر کام کرنے کے لیے تیار ہیں۔ محمود عباس نے امریکی صدر ڈونلڈ ٹرمپ کو حلف برداری پر مبارکباد دی اور کہا کہ وہ آپ کی مدت صدارت کے دوران دو ریاستی حل پر مبنی امن کے حصول کے لیے آپ کے ساتھ کام کرنے کو تیار ہیں ۔ فلسطینی صدر نے کہاکہ اس کا مطلب ہوگا کہ فلسطینی اور اسرائیلی ریاست ہمارے خطے اور دنیا میں سلامتی، اور استحکام کو یقینی بنانے کے لیے ایک دوسرے کے ساتھ شانہ بشانہ سلامتی اور امن سے رہیں گے۔
واضح رہے کہ ٹرمپ انتظامیہ نے پہلے دور صدارت میں امن کا ایک منصوبہ پیش کیا تھا جس میں اسرائیل کو مقبوضہ مغربی کنارے کا بہت ساحصہ دینے اور اس کے بدلے مستقبل کی فلسطینی ریاست کو کچھ علاقہ دینے کا کہا گیا تھا۔فلسطینیوں نے اس تجویز کو سختی سے مسترد کر دیا تھا۔
