کوئٹہ : ایف سی ہیڈکوارٹر پر خودکش حملہ، اہلکاروں سمیت 10 افراد شہید، 30 سے زائد زخمی

کوئٹہ : ایف سی ہیڈکوارٹر پر خود کش حملے میں 10 شہری شہید اور 30 سے زائد زخمی ہو گئے جب کہ خود کش بمبار سمیت 6 دہشتگرد ہلاک ہوگئے۔
ایف سی ہیڈکوارٹر کے مرکزی دروازے پر خودکش دھماکا ہوا خودکش حملہ آور نے بارود سے بھری گاڑی کو ایف سی ہیڈکوارٹر کے مرکزی دروازے سے ٹکرا دیا۔ دھماکے کی شدت اتنی زیادہ تھی کہ کئی سو فٹ دور تک عمارتوں کے شیشے اور کھڑی گاڑیوں کو نقصان پہنچا۔
حملے میں آٹھ ایف سی اہلکاروں سمیت دس افراد جاں بحق اور بتیس زخمی ہوگئے۔ زخمیوں میں سے کئی افراد کی حالت نازک بتائی جاتی ہے، جنہیں انتہائی نگہداشت وارڈ میں رکھا گیا ہے۔ وزیرِ اعلیٰ بلوچستان میر سرفراز بگٹی نے واقعے کی مذمت کرتے ہوئے کہا کہ دہشت گردوں کی بزدلانہ اور انسانیت سوز کارروائی کا مقصد امن و امان کی صورتحال کو خراب کرنا ہے۔