Raza Musani 
اسلام آباد: پاک فوج کے دستوں نے آرٹیکل 245 کے تحت رات سے اسلام آباد میں سیکیورٹی کی ذمہ داریاں سنبھال لیں۔ پاک فوج کے دستوں کی اسلام آباد اور گرد و نواح میں تعیناتی کا عمل مکمل ہو چکا ہے اور فوجی دستے علاقے بھر میں مستعدی سے گشت کر رہے ہیں۔چار اکتوبر کو وزارت داخلہ نے آئین کے آرٹیکل دو سو پینتالیس کے تحت پاک فوج کی تعیناتی کے احکامات دیے۔ شہریوں کے جان و مال کے تحفظ اور امن و امان برقرار رکھنے کیلئے پاک فوج کا علاقے بھر میں گشت جاری ہے۔ چھبیس نمبر چونگی کے علاقے میں فوج کسی بھی طرح کے ہنگامی حالات سے نبرد آزما ہونے کیلئے موجود اور الرٹ ہے۔ فوج کو واضح اور غیر مبہم رولز آف انگیجمنٹ بھی دے دیے گئے ہیں۔
