سری لنکا میں مظاہرین کا صدارتی محل پر قبضہ، پولیس سے جھڑپیں

کولمبو : سری لنکا میں صدر راجاپاکسے کے خلاف احتجاج کی اپیل پر دارالحکومت کولمبو میں ہزاروں مظاہرین سڑکوں پر نکل آئے۔ مظاہرین نے ایوان صدر پر دھاوا بول دیا۔ ہزاروں افراد رکاوٹیں توڑتے ہوئے صدارتی محل میں گھس گئے۔ صدر راجا پاکسے کو محفوظ مقام پر منتقل کردیا گیا۔مظاہرین اور پولیس کے درمیان جھڑپیں ہوئیں۔ پولیس کی شیلنگ اور ہوائی فائرنگ۔ گال سمیت دیگر شہروں میں بھی مظاہروں میں شدت آگئی۔ مظاہرین گال اسٹیڈیم میں داخل ہوگئے۔سری لنکا اور آسٹریلیا کے درمیان دوسرا ٹیسٹ متاثر ہوا۔ کولمبو میں پاکستان کرکٹ ٹیم کا آج ہونے والا پریکٹس سیشن منسوخ کردیا گیا۔ کل شیڈول کے مطابق ٹریننگ سیشن ہو گا۔