استقامت و مقاومت نے ثابت کیا کہ اسلامک آئیڈیالوجی کیخلاف جنگ ناکام ہوئی، آیت اللہ ابراہیم زکزاکی

ابوجا : نائجیریا کی اسلامی تنظیم کے سربراہ آیت اللہ شیخ ابراہیم زکزاکی نے کہا ہے کہ اسلام دشمن طاقتوں کو شکست ہوئی ہے، مسلمانوں کے خلاف عقیدے کی جنگ ناکام ہو چکی ہے، انہوں نے آن لائن کانفرنس سے خطاب کرتے ہوئے کہا کہ دنیا بالخصوص اسلامی ممالک میں استقامت و مقاومت نے ثابت کردیا ہے کہ اسلامک آئیڈیالوجی کے خلاف جنگ کا کوئی نتیجہ بر آمد نہیں ہوا، اسلام دشمن طاقتوں نے بہت سے اسلامی ممالک پر قبضہ کر لیا تھا لیکن اب دشمن کی پسپائی کا سلسلہ شروع ہو چکا ہے، آیت اللہ شیخ ابراہیم زکزاکی نے فلسطین کی استقامتی محاذ کو خراج تحسین پیش کرتے ہوئے کہا کہ کامیابی ہمارے قدم چومے گی اور بہت جلد فلسطین اور بیت المقدس آزاد ہو گا، آیت اللہ شیخ ابراہیم زکزاکی کا مزید کہنا تھا کہ حضرت امام رضا علیہ السلام کا طرز جہاد تجلی پیدا کر چکا ہے اور فکر، نظریئے اور ہتھیاروں کی جنگ میں مسلمانوں کی مدد و نصرت کر رہا ہے۔