Raza Musani 
جنین: فلسطینی صدر محمود عباس نے صیہونی جارحیت کے متاثرہ جنین پناہ گزین کیمپ کا دورہ کیا۔ اور وعدہ کیا کہ وہ کیمپ کی فوری طور پر تعمیر نو کریں گے۔ فلسطینی صدر محمود عباس اردنی ہیلی کاپٹر کے ذریعے جنین پہنچے اور فلسطینیوں کی بڑی تعداد اور حفاظتی اقدامات کے ساتھ سڑک کے راستے پناہ گزین کیمپ میں داخل ہوئے۔ یہ دس سال بعد محمود عباس کا جنین کا پہلا دورہ ہے۔ صدر نے فوجی آپریشن کے شہدا کی قبر پر پھولوں کی چادر چڑھائی۔اس موقع پر سینکڑوں فلسطینی کیمپ کے داخلی دروازے پر جمع ہوگئے جہاں محمود عباس نے ایک جلے ہوئے ریسٹورنٹ کے سامنے خطاب کیا۔ محمود عباس نے کہا کہ ہم اپنی سرزمین پر ثابت قدم رہیں گے اور اسے نہیں چھوڑیں گے۔ ہم یہ کہنے آئے ہیں کہ ہم ایک اتھارٹی۔ ریاست۔ قانون اور ایک سلامتی ہیں، جو ہمارے اتحاد اور سلامتی کو نقصان پہنچائے گا ہم اس کا ہاتھ کاٹ دیں گے۔
