عیدالاضحیٰ کے دن بھی عرب اتحاد کے یمن پر وحشیانہ حملے

صنعا : جارح عرب اتحاد نے عیدالاضحیٰ کے دن بھی یمن کے صوبے صعدہ پر وحشیانہ حملے کئے جن میں رہائشی علاقوں کو بھاری نقصان پہنچا ہے۔سعودی اتحاد نے عید الاضحی کے دن جب یمن کے مظلوم عوام عید کی خوشیاں منا رہے تھے، صوبہ صعدہ کے شہر شدا کے رہائشی علاقوں کو اپنی وحشیانہ جارحیت کا نشانہ بناتے ہوئے توپوں کے گولے داغے جس کے نتیجے میں 17 یمنی شہری جانبحق و زخمی ہوئے جن میں سے کئی زخمیوں کی حالت تشویشناک بتائی جاتی ہے۔یاد رہے کہ سعودی عرب متحدہ عرب امارات، امریکا اور چند دیگر ممالک کی مدد سے 26 مارچ 2015 سے یمن پر فوجی حملے کر رہا ہے اور اس ملک کا بری ، بحری اور فضائی محاصرہ کئے ہوئے ہے۔