او آئی سی کی غزہ میں جاری اسرائیلی جارحیت کی پھر مذمت

جدہ: او آئی سی کا کہنا ہے کہ اسرائیل غزہ میں فلسطینیوں کا قتل عام کر رہا ہے عوامی مقامات کو جان بوجھ کر نشانہ بنایا جا رہا ہے۔ سیکریٹری جنرل حسین ابراہم طحہ کی جانب سے جاری بیان میں اسرائیلی کارروائیوں کو اجتماعی سزا قرار دیا گیا ۔ سربراہ او آئی سی نے کہا کہ مساجد اسکولز اسپتالوں اور عبادت گاہوں کو جان بوجھ کر ہدف بنایا گیا ۔ اسرائیلی حملے فلسطینیوں کو ذبح کرنے کے مترادف ہیں حسن براہم طحہ نے ایک بار پھر بین الاقوامی برادری سے اسرائیلی جارحیت رکوانے کا مطالبہ کیا۔