مقبوضہ بیت المقدس: دو ہفتوں میں 5 ہزار سے زائد فلسطینی گرفتار

مقبوضہ بیت المقدس: اسرائیل نے حالیہ دو ہفتوں کے دوران 5 ہزار سے زائد فلسطینیوں کو گرفتار کیا جس کے بعد اسرائیلی جیلوں میں اسیر فلسطینیوں کی تعداد 10 ہزار ہوگئی ہے۔ الجزیرہ کی رپورٹ کے مطابق 7 اکتوبر سے قبل اسرائیلی جیلوں میں تقریباً 5,200 فلسطینی قید تھے۔ اب یہ تعداد دس ہزار سے زیادہ ہو گئی ہے۔ اسرائیلی حکام اور حقوق گروپوں کے مطابق گزشتہ دو ہفتوں کے دوران اسرائیل نے غزہ سے تقریباً 4000 مزدوروں کو گرفتار کیا ہے جو اسرائیل میں کام کر رہے تھے اور انہیں فوجی اڈوں میں رکھا ہوا ہے۔ اس کے علاوہ، اس نے مقبوضہ مغربی کنارے اور مشرقی یروشلم میں راتوں رات فوجی چھاپوں میں 1,070 دیگر فلسطینیوں کو بھی گرفتار کیا ہے۔