Raza Musani 
اسٹاک ہوم: سال 2021ء کا معاشیات کا نوبیل انعام امریکی ماہرینِ معاشیات ڈیوڈ کارڈ، جوشوا اینگرسٹ اور گائیڈو امبنز نے حاصل کرلیا تینوں ماہرین نے ’’کم ترین تنخواہوں کے دور رس اثرات اور تارکینِ وطن کارکنوں‘‘ پر بنیادی کام کیا تھا۔ نوبیل انعام کمیٹی کے مطابق اس سال کی رقم کا نصف ڈیوڈ کارڈ کو دیا گیا ہے جبکہ گائیڈو اِمبنز اور جوشوا اینگرسٹ میں بقیہ نصف رقم تقسیم کی جائے گی۔ان تینوں ماہرین نے معیشت پر غیر روایتی عوامل کے اثرات سمجھنے کے کچھ تجربات کیے تھے۔ ان میں زندگی کی اصل مثالوں کو شامل کیا گیا تھا جنہیں حقیقی تجربات کا نام دیا گیا تھا۔ توقع کے مطابق اس سے جو نتائج نکلے انہوں نے غیرمعمولی اہم ثبوت فراہم کیے۔ ان کی روشنی میں معاشی منصوبہ سازی کی تشکیل میں بہت مدد ملی۔
