Raza Musani 
نیویارک : نیویارک کی عدالت نے ملعون سلمان رشدی پر حملہ کرنے والے ہادی مطر کی ضمانت مسترد کردی۔ ہادی مطر کے وکیل نے مغربی نیو یارک کی عدالت میں پیشی کے دوران ان کی جانب سے درخواست ضمانت داخل کی۔ ملزم کو عدالت میں پیش کیا گیا تو وہ سیاہ اور سفید رنگ کے جمپ سوٹ میں ملبوس تھا اور چہرے پر سفید ماسک لگا رکھا تھا، جبکہ ان کو ہتھکڑی لگی ہوئی تھی۔ ڈسٹرکٹ اٹارنی جیسن شمٹ نے عدالت کو بتایا کہ ہادی مطر نے جان بوجھ کر ایسے اقدامات اٹھائے جس سے وہ سلمان رشدی کو نقصان پہنچا سکیں ۔ملزم نے تقریب کا پیشگی پاس حاصل کیا تھا اور ایک روز قبل ہی جعلی آئی ڈی کے ساتھ پہنچ گیا تھا۔ رشدی کو باقاعدہ منصوبہ بندی کے ساتھ ہدف بنایا گیا۔
