Raza Musani 
قاہرہ : مصری وزیر خارجہ سامح شکری نے کہا کہ عملی اقدامات کے بغیر صرف مذاکرات سے مسئلہ فلسطین حل نہیں ہوگا۔ سامح شکری نے العربیہ سے انٹریو میں کہا کہ عالمی اتفاق رائے سے دُہرے معیارات کو مسترد کرنا چاہیے۔ مشرق وسطیٰ میں جس چیز کی ضرورت ہے وہ اسرائیلیوں اور فلسطینیوں کے درمیان تنازعات کو منظم کرنے کے لیے کسی راستے پر پہنچنا نہیں ہے بلکہ اصل ضرورت دو ریاستی حل کے نفاذ پر کام کرنے کی ہے۔ سامح شکری نے مزید کہا کہ مشرق وسطیٰ میں مذاکرات کے شیطانی دائروں میں داخل ہونا صرف اسرائیل کی یک طرفہ پالیسیوں میں توسیع کا باعث بنتا ہے۔ سامح شکری نے کہا کہ اسرائیل فلسطینیوں کی نقل مکانی پر زور دینے کے لیے اقدامات کر رہا ہے۔ نقل مکانی کی مخالفت کرنے والے ممالک اسے روکنے کے لیے خاطر خواہ اقدامات نہیں کر رہے ہیں۔
