Raza Musani 
تہران : ایران کی وزارت انٹیلی جنس نے صیہونی جاسوس تنظیم موساد کے ایجنٹوں اور آپریشنل عناصر کے نیٹ ورک کو تباہ کردیا۔ محکمہ انٹیلی جنس نے کہا ہے کہ موساد کے ایجنٹوں اور آپریشنل نیٹ ورک کے عناصر کو جو دہشت گردانہ کاروائیوں کیلئے بھیجے گئے تھے۔ ہر قسم کے تخریب کارانہ اقدام سے پہلے ہی گرفتار کر لیا۔ دہشت گرد نیٹ ورک کے اراکین کسی ہمسایہ ملک کے ذریعے موساد سے رابطے میں تھے اور عراقی کردستان کے ذریعے ایران میں داخل ہوئے تھے اور جدید ترین آپریشنل اور مواصلاتی آلات اور انتہائی طاقتور دھماکہ خیز مواد سے لیس تھے۔ یہ عناصر کچھ حساس علاقوں اور پہلے سے طے شدہ اہداف میں تخریب کارانہ اور دہشت گردانہ کارروائیاں کرنے کا ارادہ رکھتے تھے تاہم ایران کے گمنام سپاہیوں نے ان کو کسی بھی تخریبکارانہ کارروائی سے پہلے گرفتار کرلیا۔
