اٹلی اور اسپین کا فلوٹیلا کی حفاظت کیلئے جہاز بھیجنے کا اعلان

روم : اٹلی کے بعد اسپین نے بھی غزہ کی جانب رواں گلوبل صمود فلوٹیلا کے تحفظ کیلیے میدان میں اترنے کا اعلان کر دیا۔ اسپین کے وزیر اعظم پیڈرو سانچیز نے اعلان کیا کہ وہ اٹلی کے ساتھ مل کر ایک فوجی بحری جہاز بھیجیں گے تاکہ غزہ کیلیے امداد پہنچانے والے گلوبل صمود فلوٹیلا کی حفاظت کی جائے۔۔ انہوں نے واضح کیا کہ یہ مشن کسی محاذ آرائی کے لیے نہیں بلکہ صرف انسانی امداد اور ضرورت پڑنے پر ریسکیو آپریشن کے لیے ہوگا۔ اٹلی پہلے ہی اپنے شہریوں اور فلوٹیلا کے امدادی مشن کی حفاظت کے لیے بحری جہاز فاسان تعینات کرنے کا اعلان کر چکا ہے۔ اس عالمی صمود فلوٹیلا میں پچاس سے زائد کشتیاں شامل ہیں جو اسرائیل کی ناکہ بندی کو توڑ کر غزہ میں طبی سامان اور دیگر ضروری امداد پہنچانے کی کوشش کر رہی ہیں۔