Raza Musani 
رام اللہ : فلسطینی صدارتی ترجمان نبیل ابو رودینہ نے خبردار کیا ہے کہ نئی یہودی بستیوں کی تعمیر صرف تشدد میں اضافے کا سبب بنے گی۔فلسطینی ترجمان نے کہا کہ تمام یہودی بستیوں کی سرگرمیاں اور تعمیر بین الاقوامی قانون کے تحت غیر قانونی ہیں. ابو رودینہ نے اسرائیلی حکومت کو ان خطرناک اقدامات کے لیے مکمل طور پر ذمہ دار ٹھہرایا ہے اور ان کے اثرات سے خبردار کیا ہے۔ انہوں کہا کہ نئی تعمیرات کا اعلان نیتن یاہو کے کل کے نام نہاد وژن آف گریٹر اسرائیل سے متعلق بیانات کے ساتھ ساتھ آیا ہے۔ ابوردینہ نے امریکی انتظامیہ کو اسرائیلی قبضے کی کارروائیاں روکنے کا ذمہ دار بھی ٹھہرایا اور زور دیا کہ ایسی جنگیں بیکار ہیں جو صرف ایسی حقیقت کو جنم دیں گی جو بین الاقوامی قانونی جواز اور بین الاقوامی قانون کی خلاف ورزی کرتی ہے۔
