Raza Musani 
تل ابیب : اسرائیلی آبادکاری امور کی وزیر اورٹ اسٹروک نے امریکی صدر ڈونلڈ ٹرمپ کے بورڈ آف پیس کو برا منصوبہ قرار دیتے ہوئے اسرائیل سے غزہ پر قبضہ کرنے کا مطالبہ کردیا۔ اسرائیلی وزیر اورِت اسٹروک نے امریکی صدر ڈونلڈ ٹرمپ کے مجوزہ بورڈ آف پیس کو ایک ناکام اور خطرناک منصوبہ قرار دیا ہے۔ اور کہا کہ اسرائیلی فوجیوں کو کسی ناقص منصوبے کے لیے قربان نہیں کیا جانا چاہیے۔ اورِت اسٹروک کا کہنا تھا کہ اگر اس سمت میں پیش رفت ہوئی تو وہ حکومت چھوڑنے پر مجبور ہو سکتی ہیں۔ اسٹروک نے سوال اٹھایا کہ اگر اسرائیلی فوج دوبارہ غزہ میں داخل ہو کر قبضہ کرتی ہے تو بعد میں وہاں اقتدار کس کے حوالے کیا جائے گا۔ انہوں نے کہا کہ 2005 میں غزہ فلسطینی اتھارٹی کے حوالے کرنے کا تجربہ ہو چکا ہے اور اس کے نتائج سب کے سامنے ہیں۔ اسرائیلی وزیر کا مؤقف تھا کہ حماس کو شکست دینے اور غزہ کو غیر مسلح کرنے کے بعد اسرائیل کو وہاں واحد اتھارٹی کے طور پر رہنا چاہیے۔
