اسرائیل غرب الاردن پر قبضہ کے نتائج کا خود ذمہ دار ہوگا

سلامتی کونسل سمیت تمام عالمی اداروں کو فوری اقدام اٹھانا چاہئے،او آئی سی
جدہ (نیوز ڈیسک) اسلامی تعاون تنظیم نے غرب اردن کی مزید زمینوں پر قبضہ کرنے کے صہیونی فیصلے کی مذمت کرتے ہوئے اسے سنگین نتائج سے خبردار کیا ہے، اسلامی تعاون تنظیم نے فلسطینی زمینوں پر قبضے کے منصوبے کو روکنے کے لئے سلامتی کونسل، انسانی حقوق کونسل اور عالمی عدالتوں سے فوری اقدام کا مطالبہ کیا ،او آئی سی نے ایک بیان میں خبردار کرتے ہوئے کہا کہ اگر صہیونی حکومت نے فلسطین کے مغربی کنارے کے مزید علاقوں پر ناجائز قبضہ جمانے کی کوشش کی تو پھر ہر طرح کی صورتحال کی ذمہ داری ا±سی پر عائد ہوگی، کسی بھی فریق کی جانب سے کوئی بھی ایسی تجویز ناقابل قبول ہے جس میں ملت فلسطین کی آزادی و خود مختاری کو تسلیم نہ کیا گیا ہو،تنظیم نے صہیونی حکومت کے ساتھ تمام معاہدوں کی منسوخی کے فلسطینی انتظامیہ کے فیصلے کی حمایت کی ہے۔