Raza Musani 
دمشق: اسرائیل نے ایک بار پھر شام میں دمشق اور حلب کے ایئرپورٹس پر حملہ کردیا۔ یہ اسرائیل کا دس دنوں میں تیسرا حملہ ہے۔ مقبوضہ گولان کی پہاڑیوں کی سمت سے داغے گئے اسرائیلی میزائل دمشق ایئر پورٹ پر گرے جبکہ طیاروں نے حلب کے بین الاقوامی ہوائی اڈے کو نشانہ بنایا۔ حملے میں دو افراد ہلاک اور ایئرپورٹس غیرفعال ہوگئے۔ دمشق اور حلب کے ہوائی اڈے نہ صرف عام شہری استعمال کرتے ہیں بلکہ انھیں عسکری ضروریات کے لیے بھی استعمال کیا جاتا ہے۔ دونوں ایئرپورٹس پر رن وے کو نقصان پہنچا جس سے وہ غیر فعال ہو گئے۔
