Raza Musani 
بیروت : حزب اللہ کے سیکریٹری جنرل شیخ نعیم قاسم نے کہاہےکہ اسرائیلی حکومت کی پورے خطے میں خونریزی اس کے اپنے مستقبل کی ضمانت نہیں دے سکتی۔
شیخ نعیم قاسم نے تہران میں ایک تقریب سے خطاب میں کہا کہ نیتن یاہو اگرچہ فخر سے ہر جگہ قتل عام کا ذکر کرتا ہے لیکن اسرائیل نہ تو استحکام حاصل کر سکا ہے اور نہ ہی اپنے وجود کے لیے کوئی پائیدار مستقبل یقینی بنا پایا ہے۔ حزب اللہ کے سربراہ نے واضح کیا کہ لبنان میں اسرائیلی مقاصد ناکام ہو چکے ہیں، باوجود اس کے کہ کئی عالمی طاقتیں تل ابیب کے ساتھ کھڑی تھیں۔ انہوں نے کہا کہ 2023 میں حزب اللہ کے غزہ کے حق میں مسلسل آپریشنز کے جواب میں اسرائیل نے لبنان پر اپنی جارحیت بڑھائی، مگر آخرکار نومبر میں جنگ بندی پر مجبور ہو گیا۔ شیخ قاسم نے خبردار کیا کہ لبنان کا استحکام اسرائیلی جارحیت روکنے سے مشروط ہے اور امریکہ لبنان کو اسرائیل کے گریٹر اسرائیل منصوبے میں شامل کرنے کی کوشش کر رہا ہے ۔
انہوں نے ٹرمپ انتظامیہ اور خصوصی ایلچی ٹام باراک کو خبردار کیا کہ لبنان کو دھمکانے یا حزب اللہ کو غیر مسلح کرنے کی کوشش کامیاب نہیں ہوگی۔
