عراق آئی ایم ایف کے چنگل سے باہر، تمام قرضے واپس کردئے

بغداد : عراق آئی ایم ایف کے چنگل سے باہر نکل آیا۔ بغداد حکومت نے عالمی مالیاتی فنڈ سے لئے گئے تمام قرضوں کی ادائیگی کر دی۔ عراقی وزیر اعظم کے مالیاتی مشیر مظہر صالح نے بتایا کہ 2003 اور 2021 کے دوران لئے گئے 8 ارب ڈالر واپس کردیئے۔ انہوں نے کہا کہ آئی ایم ایف نے عراق کو متعدد قرضے فراہم کئے، جس کا مقصد میکرو اکنامک استحکام اور مالیاتی اصلاحات کی حمایت کرنا ہے۔ 2003 سے لے کر اب تک آئی ایم ایف سے جتنے قرضے لئے گئے سب واپس کردئے ہیں۔