Raza Musani 
تہران : ایران میں ڈرون پاور کا بھرپور مظاہرہ کیا گیا۔ ملکی و قومی ڈرون پاور کا جائزہ لینے کے مقصد سے وسیع علاقوں میں مشترکہ ڈرون مشقیں کی گئیں جس میں بری فوج کے چاروں دستوں اور ایئر ڈیفنس ہیڈکوارٹر کے جوانوں نے حصہ لیا۔ دو روزہ مشقوں میں جاسوسی اور ہتھیار بند دونوں قسم کے 150 ڈرونز کی صلاحیتوں کا مظاہرہ کیا گیا۔ ڈرونز نے پہلے مرحلے میں مخصوص ہدف کا پتہ لگایا اور اگلے مرحلے میں انہیں تباہ کرنے کی منصوبہ بندی کی۔ ریئر ایڈمرل موسوی نے بتایا کہ ان مشقوں کا مقصد فضائی جنگ میں ڈرون طیاروں کی حربی توانائیوں کا جائزہ لینا تھا۔
