Raza Musani 
تہران : ایران نے جاسوسی کے جرم میں سابق نائب وزیر دفاع اور برطانوی نژاد شہری علی رضا اکبری کو پھانسی دیدی۔ علی رضا اکبری کو برطانوی خفیہ ایجنسی ایم آئی سکس کے لیے جاسوسی کے الزام میں دو ہزار انیس میں گرفتار کیا گیا۔ ان پر زمین پر فساد اور معلومات کی ترسیل کے ذریعے ایران کی داخلی اور بیرونی سلامتی کونقصان پہنچانے کی کوشش کا الزام ہے۔ان پر جوہری سائنسدان محسن فخری زادے کے قتل میں کردار ادا کرنے کا الزام بھی تھا۔علی رضا اکبری کو عدالت نے سزائے موت سنائی تھی سزا کے خلاف ان کی اپیل کو سپریم کورٹ نے مستردکر دیا تھا۔ وہ 2001 تک سابق صدر محمد خاتمی کے دور میں نائب وزیر دفاع تھے۔
