Raza Musani 
تہران : ایران کی سپاہ پاسداران انقلاب اسلامی نے عراقی کردستان علاقے کے دارالحکومت اربیل میں مغربی سرحدوں کے قریب سرگرم دہشت گرد گروہوں کے ٹھکانوں کو نشانہ بنا کر تباہ کر دیا۔دہشت گردوں کے ٹھکانوں کو توپ خانے سے نشانہ بنایا گیا. یہ حملہ دہشت گرد ٹیم کے 5 ارکان کی نشاندہی پر کیا گیا جنہیں صوبہ کردستان کے شہر بنیہ سے گرفتار کیا گیا تھا۔جو ایرانی سرزمین میں تخریب کاری کا منصوبہ بنا رہے تھے۔ ایران نے متعدد مواقع پر عراق کے نیم خودمختار کردستان کے علاقے کو خبردار کیا ہے کہ وہ اپنی شمال مغربی سرحدوں کے ساتھ دہشت گرد گروہوں کی موجودگی اور سرگرمیوں کو برداشت نہیں کرے گا اور کہا ہے کہ اگر وہ علاقے اسلامی جمہوریہ ایران کے دشمن دہشت گردوں کا مرکز بن گئے تو ایران فیصلہ کن جواب دے گا۔
