Raza Musani 
تہران : ایران اور عراق نے غزہ کی صورتحال پر اسلامی تعاون تنظیم کا ہنگامی اجلاس طلب کرلیا۔ ایرانی وزیر خارجہ امیر عبداللہیان نے عراقی ہم منصب فواد حسین سے ٹیلی فون پر گفتگو کی اور دونوں وزراء نے فلسطینی قوم کی حمایت میں مسلم ممالک کے درمیان ہم آہنگی کی ضرورت پر زور دیا اور او آئی سی سے مطالبہ کیا کہ وہ ہنگامی اجلاس بلائے تاکہ فلسطینی سرزمین میں جاری پیش رفت کا جائزہ لیا جا سکے۔اس سے پہلے ایرانی وزیرخارجہ امیر عبداللہیان نے کے افغانستان کے نگراں وزیر خارجہ امیر خان متقی سے ٹیلی فون پر رابطہ کیا اور فلسطینی عوام کی مزاحمت اور اسرائیلی آباد کاروں کی مسجد اقصیٰ کی مسلسل خلاف ورزیوں پر تبادلہ خیال کیا۔ انہوں نے تمام مسلم ممالک پر زور دیا کہ وہ فلسطینی عوام اورمسجد اقصیٰ کے دفاع کے لیے متحد ہوجائیں۔
