Raza Musani 
جدہ : اسلامی تعاون تنظیم (او آئی سی) نے بھارت سے مسلمانوں کے حقوق کا تحفظ یقینی بنانے کامطالبہ کردیا جدہ میں سعودی وزارت خارجہ کی میزبانی میں او آئی سی کا اجلاس ہوا جس میں رکن ممالک کے نمائندوں نے شرکت کی اجلاس میں دنیا بھر میں مختلف ممالک کے درمیان تنازعات کو ثالثی اور مذاکرات سے حل کرنے کی ضرورت پر زور دیا گیا اس موقع پر سیکریٹری جنرل او آئی سی حسین ابراہیم طحہ کا کہنا تھا کہ اسلام امن کا دین ہے اور اس کی تعلیمات امن وامان کو فروغ دیتی ہیں دنیا کے مختلف خطوں میں جاری تنازعات کے حل کے لئے ضروری ہے کہ ثالثی اور مذاکرات کی راہ اپنائی جائے تاکہ تنازعات کو بڑھاوا نہ ملے اور ان کو حل کر لیا جائے موجودہ دنیا جنگوں کی متحمل نہیں ہوسکتی اس لئے قیام امن کے لئے پوری دنیا اپنا کردار ادا کرے.اجلاس کے بعد جاری اعلامیہ میں کہاگیا ہے کہ بھارت میں اسلام کے خلاف نفرت پھیلائی جا رہی ہے، مسلمانوں کے خلاف منظم کاروائیاں کی جا رہی ہیں، بھارتی تعلیمی اداروں میں مسلمان طالبات کے حجاب پہننے پر پابندی عائد کی جا رہی یےجبکہ نبی اکرم صلی الله عليه وآلہ وسلم کی توہین کے واقعات بھی ہو رہے ہیں۔
مودی سرکار نبی اکرم صلی الله عليه وآلہ وسلم کی توہین کے واقعات کو روکے مسلمانوں کی املاک کا تحفظ یقینی بنائے, اقوام متحدہ بھارتی مسلمانوں کو تحفظ دلانے میں کردار ادا کرے.
