Raza Musani 
نئی دہلی: بھارتی سپریم کورٹ نے بیویوں کو بیک وقت تین طلاقیں دینے پر درج ایف آئی آر اور چارج شیٹ کی تفصیلات طلب کرلیں۔ سپریم کورٹ کے دو رکنی بنچ نے یہ احکامات 1991 کے قانون کی آئینی حیثیت کیخلاف 12 عرضیوں کی سماعت کے دوران دئے۔ عدالت نے مرکزی حکومت سے کہاکہ وہ 2019 میں منظور کردہ تحفظ شادی حقوق ایکٹ کے تحت مردوں کیخلاف درج مقدمات اور پیش کی گئی چارج شیٹ کی تفصیلات فراہم کرے۔ بتایا جائے کہ کتنے مردوں نے اپنی بیویوں کو بیک وقت تین مرتبہ طلاق کہہ کر رشتہ منقطع کیا ہے؟ عدالت نے مرکزی حکومت سے کہا کہ وہ ہائیکورٹ میں طلاق ثلاثہ سے متعلق زیر التوا معاملوں پر بھی تفصیلات پیش کرے۔ بنچ نے درخواستوں کو 17 مارچ سے شروع ہونے والے ہفتے میں حتمی سماعت کیلئے مقرر کردیا۔
بھارت میں 1991 کے قانون کے تحت طلاق ثلاثہ کو غیر قانونی اور کالعدم قرار دیا گیا ہے اور اس کے لیے شوہر کو تین سال قید کی سزا سنائی جائے گی۔
