Raza Musani 
غزہ : صیہونی فوج نے غزہ سٹی میں پیشرفت کرتے ہوئے حملے تیز کردئے ہیں ۔ چوبیس گھنٹوں کے دوران غزہ سٹی اور دوسرے علاقوں پر بمباری اور گولہ باری سے اڑتیس فلسطینی شہید ہوگئے۔
اسرائیلی جنگی طیاروں اور ڈرون نے غزہ سٹی میں کئی رہائشی مقامات اور خیمہ بستیوں کو نشانہ بنایا۔ صابرہ محلے میں ایک گھر کو نشانہ بنا کر پانچ شہری شہید اور دیگر کو زخمی کردیا۔ نصیرات کیمپ میں گھر پر بمباری سے چار شہری شہید اور دیگر زخمی ہوئے۔ غزہ شہر میں الصحابہ اسٹریٹ پر واقع اپارٹمنٹ پر بمباری سے خواتین اور بچوں سمیت سات افراد شہید اور دیگر زخمی ہوگئے۔ وسطی غزہ شہر کی عمر المختار اسٹریٹ پر اسرائیلی ڈرون حملے میں بھی چار فلسطینی جان سے گئے۔
