Raza Musani 
لندن : برطانیہ میں ریلوے ملازمین کی تاریخی ہڑتال دوسرے دن بھی جاری ہے۔ تنخواہیں نہ بڑھانے پر ریلوے یونین نے ہڑتال کی کال دی تھی اور منگل سے 40 ہزار سے زائد ملازمین نے کام چھوڑ دیا۔ تین دہائيوں کی سب سے بڑی ہڑتال کے باعث انگلینڈ، ویلز اور اسکاٹ لینڈ میں مسافروں کو شدید مشکلات کا سامنا ہے۔ لندن میں ریل کے ساتھ انڈر گراؤنڈ ریلوے سروس بھی معطل ہوگئی۔ ہڑتال کے سبب بسوں میں اور سڑکوں پر غیرمعمولی رش ہے۔ یونین کے ارکان متعدد اسٹیشنوں کے سامنے احتجاج کے لیے بھی جمع ہوئے۔ ریلوے یونین نے آئندہ ماہ مزید ہڑتالوں کی بھی دھمکی دی ہے۔ٹرانسپورٹ سیکریٹری گرانٹ شاپس نے ہڑتال کو غیر ضروری قرار دیا ہے۔
