Raza Musani 
جدہ : سعودی عرب اور اسرائیل کے تعلقات میں تاریخی پیشرفت کے بعد امریکا نے صنافیر اور تیران جزائر سے فوج واپس بلانے کا اعلان کردیا۔اسرائیل، مصر اور سعودی عرب کے قریب بحیرہ احمر میں واقع جزائر بڑی اہمیت کے حامل ہیں، سعودی عرب اور مصر کے درمیان نصف صدی سے زائد عرصے سے ان جزائر پر ملکیت کا تنازع ہے۔ اب اسرائیل نے بھی جزائر کو سعودی عرب کو واپس کرنے سے متعلق اعتراض واپس لے لیا ہے۔ اس سے پہلے امریکی صدر جو بائیڈن نے جدہ میں سعودی ولی عہد محمد بن سلمان سے ملاقات کی اور دونوں ممالک کے درمیان تعلقات، عالمی اور علاقائی امور پرتبادلہ خیال کیا۔ دونوں رہنماؤں نے باہمی تعلقات کے فروغ اور روابط کو مختلف شعبوں میں بڑھانے پر اتفاق کیا۔
