حزب اللہ کے حملوں میں سرحدی علاقوں میں وسیع نقصان ہوا

تل ابیب : صیہونی روزنامہ معاریو نے کہا ہے کہ حزب اللہ کے ڈرون طیاروں اور اینٹی ٹینک میزائلوں نے اسرائيل کی شمالی سرحدوں پر وسیع پیمانے پر جانی ومالی نقصان پہنچایا ہے۔ مقبوضہ فلسطین کی فضائی حدود میں جیسے ہی ڈرون طیارہ داخل ہوتا ہے تو مختلف علاقوں میں فوجیوں کو چوکس کر دیا جاتا ہے، خطرے کے سائرن بجا دیئے جاتے ہیں اور الجلیل کے علاقے میں بہت سے صیہونی آبادکار سراسیمگی کے عالم میں پناہ گاہوں کی جانب بھاگتے ہیں۔ اخبار نے حیفا واقعے کی جانب اشارہ کرتے ہوئے کہا کہ فوج نے لبنان کی سرحدوں سے آنے والا ایک ڈرون مار گرایا ہے۔