ہریانہ، ہندوتوا ہجوم کا مسیحی گاؤں پر حملہ، مقدس کتابیں نذر آتش

روہتک : انڈین ریاست ہریانہ کے روہتک ضلع میں ہندوتوا ہجوم نے مسیحی گاؤں پر حملہ کرکے اُنہیں مذہب چھوڑنے اور عوام کے سامنے اپنی مقدس کتاب بائیبل کے نسخے جلانے پر مجبور کیا۔ عیسائیوں پر حملے کا واقعہ گذشتہ ہفتے پیش آیا تھا تاہم ویڈیو سوشل میڈیا پلیٹ فارمز پر وائرل ہونے کے بعد عوام کو اس کا علم ہوا۔ ویڈیو میں دیکھا جاسکتا ہے ہندوتوا ہجوم نے مسیحی کمیونٹی کو گھیرے میں لے کر انہیں مذہب ترک کرنے اور مقدس کتابیں جلانے پر مجبور کیا۔ وائرل ویڈیو میں دیکھا جا سکتا ہے کہ ہجوم نے مسیحیوں کو غدار اور ان کی مقدس کتابوں کو گندگی قراردیا۔ ایک شخص کو پٹرول کی بوتل دی گئی اور بائبل جلانے پر مجبور کیا گیا، جبکہ ہجوم جے شری رام اور بھارت ماتا کی جے” کے نعرے لگا رہا تھا۔ واقعہ کا مقدمہ درج کیا گیا ہے اور نہ ہی کسی کو گرفتار کیا گیا۔