حریدی کے استثنیٰ کا قانون، اسرائیلی حکومت خطرہ میں

تل ابیب : اسرائیل میں حریدیوں کے لیے فوجی بھرتی سے استثنیٰ کے مجوزہ قانون نے نیتن یاہو حکومت کو شدید بحران سے دوچار کردیا ہے۔ اسرائیلی میڈیا کے مطابق وزیراعظم نیتن یاہو اپنی حکومت کو اگلے انتخابات تک قائم رکھنے کی کوشش کر رہے ہیں، لیکن حریدیوں کیلئے فوجی چھوٹ کے قانون پر بڑھتے اختلافات نے اتحادی حکومت کو کمزور کر دیا ہے۔ حریدی جماعتوں نے بجٹ میں حمایت کو قانون کی منظوری سے مشروط کر دیا ہے۔ جس سے حکومت کے مستقبل پر سوالیہ نشان لگ گیا۔ سیاسی مبصرین کا کہنا ہے کہ اگر اختلافات قابو میں نہ آئے تو جون میں قبل از وقت انتخابات ممکن ہیں۔
اسرائیل میں حریدیوں کا جبری فوجی بھرتی کے خلاف احتجاج پورے اسرائیل میں پھیل گیا ۔ احتجاج کے دوران پولیس اور مظاہرین کے درمیان جھڑپیں بھی ہوئیں۔ کئی مظاہرین گرفتار کرلئے گئے۔