غزہ کے عوام غزہ ہیومنٹیرین فاؤنڈیشن سے تعاون نہ کریں، حماس

غزہ: حماس نے فلسطینی عوام کو امریکی امدادی ادارے غزہ ہیومنٹیرین فاؤنڈیشن کے ساتھ تعاون سے خبردار کردیا۔
حماس کی وزارت داخلہ نے کہا کہ امریکی امدادی ادارہ فلسطینی عوام کی دادرسی اور مدد کیلئے قائم نہیں کیا گیا ہے۔ جی ایچ ایف کے مراکز فلسطینیوں کی شکار گاہیں اور تذلیل کی آماجگاہیں بن چکے ہیں۔ وزارت داخلہ نے مزید کہا کہ صیہونی فوج امدادی ادارے سے گٹھ جوڑ کر کے بھوکے فلسطینیوں کا اجتماعی قتل عام کر رہی ہے ۔ فلسطینی شہری امریکی امدادی ادارے کے جال سے بچنے کی کوشش کریں اور اس کے ساتھ ہر قسم کی لین دین اور تعاون سے گریز کریں۔