غزہ میں زندگی کی آخری لائنیں بھی معدوم ہو رہی ہیں، گوتریس

نیویارک : اقوام متحدہ کے سیکرٹری جنرل انتونیو گوتریس نے کہا ہے کہ اسرائیلی کی غزہ میں جنگ میں انسانی زندگی کی آخری لائنیں بھی معدوم ہو رہی ہیں۔ سیکرٹری جنرل انتونیو گوتریس کا یہ بیان اقوام متحدہ کے ترجمان اسٹیفن دجارک نے جاری کیا ہے۔ گوتریس نے اپنے بیان میں کہا ہے کہ غزہ میں انسانی زندگی کا جاری بریک ڈاؤن تیز کر دیا گیا ہے۔ اسٹیفن دجارک کے مطابق سیکریٹری جنرل نے غذائی قلت کا شکار بچوں اور بڑوں دونوں کی بڑھتی ہوئی رپورٹس پر افسوس کا اظہار کیا اور جاری تشدد کی شدید مذمت کی۔ انہوں نے کہا کہ شہریوں کا تحفظ اور احترام کیا جانا چاہیے اور انہیں کبھی بھی نشانہ نہیں بنایا جانا چاہیے۔ انتونیو گوتریس نے کہا کہ اسرائیل کی ذمہ داری ہے کہ وہ اقوام متحدہ اور دیگر انسانی ہمدردی کی تنظیموں کی طرف سے فراہم کی جانے والی انسانی امداد کے لیے تمام ذرائع سے اجازت دےاورسہولت فراہم کرے۔ گوتریس نے کہا حالیہ عرصے کے دوران جنگی آگ کو اس طرح تیز کیا گیا ہے جیسے انسانیت پر مبنی اقدار ناپید ہو چکی ہیں۔