Raza Musani 
نجف : عراق کے بزرگ مرجع تقلید اور حوزہ علمیہ نجف اشرف کے ستون اربعہ میں شامل آیت اللہ العظمیٰ سید محمد سعید الحکیم 85 سال کی عمر میں انتقال کرگئے، آیت اللہ سعید الحکیم کا 3 دن قبل نجف کےاسپتال میں آپریشن ہوا اور وہ جمعہ کی رات دل کا دورہ پڑنے سے دارالفناء سے دارالبقاء کی جانب کوچ کرگئے، مرحوم آیت اللہ سید محمد سعید الحکیمؒ 1936 میں نجف میں علماء کے ایک خاندان میں پیدا ہوئے، وہ آیت اللہ محسن الحکیم مرحوم کے پوتے تھے، ان کے والد محمد علی الحکیم بھی نجف کے معزز علماء میں سے تھے، آیت اللہ سید محمد سعید الحکیمؒ کا شمار عالم اسلام کے بڑے فقہا میں ہوتا تھا وہ حوزہ علمیہ نجف اشرف کے چار بڑے مجتہدین میں شامل تھے، انہیں آیت اللہ علی السیستانی کا جانشین سمجھا جاتا تھا، اُن کی نماز جنازہ امیرالمومنین حضرت علی(ع) کے مزار کے احاطے میں ادا کی جائے گی اور ان کی تدفین بھی وہیں ہوگی۔
