Raza Musani 
تہران : زائرین کی سہولت کیلئے تہران سے کربلا ٹرین سروس شروع کرنے کا اعلان کردیا گیا۔ ایران کے محکمہ ریلوے کے ایگزیکٹو آفیسر سید میعاد علی صالحی نے بتایا کہ ابتدائی مرحلے میں تہران کربلا ٹرین زائرین کو سرحدی شہر شلمچہ تک لے جائے گی جہاں سے مسافروں کو بذریعہ سڑک عراق کے شہر بصرہ اور وہاں سے بذریعہ ٹرین کربلا لے جایا جائے گا۔
انہوں نے کہا کہ جلد شلمچہ سے بصرہ تک 32 کلومیٹر ریلوے لائن بھی بچھائی جائے گی۔ ریلوے لائن بچھانے کے لیے بارودی سرنگوں کو ہٹانے، زمین کے حصول اور دریائے اروند پر پل کی تعمیر سمیت مختلف رکاوٹوں کو دور کیا جارہا ہے۔ یہ ریلوے لائن بچھتے ہی زائرین براہ راست تہران سے کربلا پہنچ سکیں گے۔ جبکہ مال بردار ٹرینیں بھی اس راستے سے گزریں گی۔
