خدا سے مقبوضہ علاقوں کو ناقابل رہائش جگہوں میں بدلنے کا عہد کیا ہے، اسلامی جہاد

غزہ : اسلامی جہاد نے خبردار کیا ہے کہ اسرائیل نے دوبارہ حملہ کیا تو بھرپور جواب دیا جائے گا۔ اسلامی جہاد کی عسکری ونگ کے ترجمان ابو حمزہ نے کہا کہ تحریک نے مقبوضہ علاقوں کو ناقابل رہائش جگہوں میں تبدیل کرنے کا خدا سے عہد کیا ہے۔ تحریک کی میزائل توانائی فلسطینی عوام کے احمق دشمن کو ختم کر دیں گے۔ جہاد اسلامی نے جو میزائل صلاحیت کا مظاہرہ کیا ہے،اس کا ایک چھوٹا سا حصہ ہے جو ہم نے تیار کیے ہیں۔ ہمارے پاس بہت زیادہ میزائیلز ہیں جو دشمن کو خوفزدہ کریں گے اور ہماری قوم کو خوش کریں گے۔
اسلامی جہاد تحریک کے عہدیدار نے کہا کہ غاصب اسرائیلیوں کی جانب سے نہتے فلسطینی شہریوں کے گھروں پر بمباری غزہ پٹی کے خلاف حکومت کی جارحیت میں توسیع اور فلسطینی مزاحمت پر دباؤ ڈالنے کی کوشش کو ظاہر کرتی ہے۔