امریکیوں کے تسلط سے نکل جاؤ، قطر کے سابق وزیر اعظم کا یورپ کو مشورہ

دوحہ : قطر کے سابق وزیر اعظم شیخ حمد بن جاسم نے یورپ کو امریکا کے تسلط سے نکلنے اور چین کے ساتھ گفتگو کا مشورہ دیا ہے۔ انہوں نے ٹوئٹ کیا کہ کہ یورپ کے مستقبل کا دار و مدار امریکی تسلط سے نکلنے پر ہے جبکہ یوکرین کے بحران کی چابی بھی چین کے ساتھ بات چیت میں پوشیدہ ہے۔ حمد بن جاسم کا کہنا تھا کہ یورپی ممالک خاص طور پر جرمنی موجودہ حالات میں یوکرین کے بحران کے اثرات اور امریکا کے تسلط سے نکلنے کی طاقت نہ رکھنے کی وجہ سے بہت مشکل حالات سے گزر رہا ہے۔ یورپ والوں کا امریکی تسلط سے باہر نہ نکلنا ان کی عسکری قوتوں کی کمزوری، بدحال معیشت اور سیاسی فیصلوں کا نتیجہ ہے۔ سابق قطری وزیر اعظم نے مزید کہا کہ یورپی ممالک کو فرانس اور جرمنی کی سربراہی میں چین سے بات چیت شروع کرنی چاہئے تا کہ تائیوان کے معاملے میں واشنگٹن اور بیجنگ کے درمیان نئے فوجی اور معاشی تصادم کو روک سکیں۔ البتہ انہوں نے اس مسئلے کو بعید از قیاس سمجھا کہ امریکہ تائیوان کے معاملے میں چین کے خلاف وسیع پیمانے پر عسکری تصادم میں ہاتھ ڈالے گا۔ان تمام اتفاقات میں حقیقی ہارنے والا یورپ ہوگا، مگر یہ کہ وہ چین کے ساتھ بات چیت کر کے نئے بحران کے سراٹھانے سے پہلے ہی اسے روک لے۔ یہ اقدام یوکرین کے موجودہ بحران کے لئے بھی ایک پیش آمد بنے گا جبکہ موجودہ حالات میں اس کے مستقبل کے افق پر کوئی راہ حل نہیں آرہا ہے۔