جرمن وزیر خارجہ کا پاکستانی ہم منصب سے ٹیلیفونک رابطہ، افغانستان کی صورتحال پر تبادلہ خیال

اسلام آباد : جرمن وزیر خارجہ ہائیکو ماس نے وزیر خارجہ مخدوم شاہ محمود قریشی کے ساتھ ٹیلیفونک رابطہ کیا اور افغانستان کی موجودہ صورتحال پر تبادلہ خیال کیا ، مخدوم شاہ محمود قریشی نے کہا کہ خطے میں امن و استحکام کیلئے افغانستان میں قیام امن ناگزیر ہے پاکستان ، افغانستان میں دیرپا قیام امن کیلئے جامع سیاسی تصفییے کو ضروری سمجھتا ہے، پاکستان نے ہمیشہ افغان قضیے کی اجتماعیت کے حامل سیاسی تصفیے کی حمایت کی ہے، ضرورت اس امر کی ہے کہ عالمی برادری، انسانی بنیادوں پر افغانوں کی معاشی معاونت کیلئے اپنا کردار ادا کرے، دونوں وزرائے خارجہ نے پاکستان اور جرمنی کے مابین اعلیٰ سطح کے روابط کے تسلسل پر اطمینان کا اظہار کیا.