Raza Musani 
دی ہیگ : عالمی عدالتِ انصاف نے نسل کشی کے مقدمے میں جواب جمع کرانے کیلئے اسرائیل کو ایک بار پھردو ماہ کا مزید وقت دے دیا۔ جسے ناقدین نے افسوسناک قرار دیا ہے۔
جنوبی افریقہ کی جانب سے دائر نسل کشی کے مقدمے میں عدالت نے اسرائیل کی دوسری درخواست منظور کرلی ہے۔ اسرائیل کو پہلے ہی بارہ جنوری تک کا وقت دیا گیا تھا اب وہ آئندہ سال بارہ مارچ تک اپنا تحریری جواب پیش کرسکے گا۔ اسرائیل کو رواں سال جولائی تک اپنا جواب جمع کرانا تھا۔ اسرائیل نے اپنے خط میں موقف اختیار کیا تھاکہ جنوبی افریقہ کے پیش کردہ شواہد میں بعض نامکمل دستاویزات کے باعث اسے مزید وقت درکار ہے۔ جنوبی افریقہ نے اسرائیل کی نئی درخواست کی مخالفت کرتے ہوئے کہا کہ مزید توسیع سے مقدمے کی فوری نوعیت اور فریقین کی برابری کے اصول متاثر ہوں گے۔
