Raza Musani 
ڈھاکا: بنگلہ دیش کے آرمی چیف نے کہا ہے کہ ملک میں عام انتخابات اگلے اٹھارہ مہینوں میں ہوں گے۔ بنگلہ دیش میں عام انتخابات کے لیے عبوری حکومت اور فوج پر دباؤ بڑھ رہا ہے۔ طلبا کی تحریک کے بعد قائم ہونے والی عبوری حکومت کے سربراہ پروفیسر محمد یونس اس وقت نیویارک میں موجود ہیں۔ آرمی چیف جنرل وقار الزمان کا کہنا ہے کہ ملک میں اگلے اٹھارہ ماہ میں عام انتخابات کرادیئے جائیں گے۔سابق وزیراعظم حسینہ واجد کی پندرہ سالہ حکومت کے خاتمے کے بعد ملک میں آئینی و قانونی بحران پیدا ہوگیا ہے جس کو حل کرنے میں وقت لگے گا۔انہوں نے کہا کہ ملک کی سیاست میں فوج کا کوئی اثر و رسوخ نہیں ہے پوری فوج عبوری حکومت کے ساتھ کھڑی ہے اور ملک کے حق میں ہونے والے فیصلوں کی ہم بھرپور حمایت کرتے ہیں۔
