Raza Musani 
غزہ میں صیہونی فوج نے امدادی مرکز پر فائرنگ کرکے مزید انیس فلسطینی شہید کردئے۔ جبکہ بھوک کی شدت سے مزید سات فلسطینی دم توڑ گئے۔
صیہونی فوجیوں نے نیٹزارم کوریڈور کے قریب بھوکے پیاسے متاثرین کو گولیوں کا نشانہ بنایا اور انیس کو شہید اور متعدد کو زخمی کردیا۔ ادھر المواصی ۔ غزہ سٹی اور بیت حنون کو چھوڑ کر دیگر علاقوں پر وحشیانہ حملے کئے گئے جسمیں درجنوں مظلوم فلسطینیوں کو شہید کردیا گیا۔
بائیس ماہ سے جاری جارحیت میں شہدا کی مجموعی تعداد ساٹھ ہزار سے تجاوز کرگئی ہے۔ جبکہ ایک لاکھ پینتالیس ہزارزخمی ہیں۔ اعداد وشمار کے مطابق غزہ کی آبادی میں ہر چھتیس میں سے ایک فلسطینی جبکہ مجموعی طور پر روزانہ نوے فلسطینی شہید کئےگئے ہیں۔ وافر مقدار میں امداد نہ پہنچنے پر غزہ میں قحط کی صورتحال میں کوئی تبدیلی نہ آسکی مزید چار بچوں سمیت سات افراد زندگی کی بازی ہارگئے۔ بھوک کی شدت سے مرنیوالوں کی تعداد ایک سو چوون ہوگئی ہے۔
