سری لنکا میں ایندھن کا بحران، سوائے ایمرجنسی ہر قسم کے ٹرانسپورٹ کو فراہمی بند

کولمبو: سری لنکا میں ایندھن کی شدید قلت پیدا ہوگئی جس کے بعد 10 جولائی تک لاک ڈاؤن نافذ کردیا گیا۔ حکومت نے سوائے ایمرجنسی شعبوں کے ہرقسم کے ٹرانسپورٹ کو پیٹرول اور ڈیزل کی فراہمی بند کردی ہےجبکہ سرکاری ملازمین کو گھروں سے کام کرنے کی ہدایت جاری کردی گئی ہے۔ رعایتی قیمت پر ایندھن حاصل کرنے کے لئے سری لنکن حکومتی وفد نے قطر اور روس کا دورہ بھی کیا ہے۔ اس سے قبل گزشتہ ہفتے سری لنکا میں ایندھن کی قیمتوں میں مزید اضافہ کردیا گیا تھا۔ سری لنکن پیٹرولیم اور گیس کمپنی کا کہنا تھا کہ پیٹرول 22 اور ڈیزل 15 فیصد مزید مہنگا کیا گیا ہے۔